തിരുവനന്തപുരം സബ് കലക്ടര്‍ ദിവ്യ എസ്.അയ്യരുടെ ചിത്രം ഓണ്‍ലൈന്‍ ഷോപ്പിങ് കമ്ബനിയുടെ പരസ്യത്തിന് ഉപയോഗിക്കുന്നതായി പരാതി. കമ്ബനി തകര്‍ച്ചയിലാണെന്ന വാര്‍ത്ത സമൂഹമാധ്യമത്തില്‍ പ്രചരിച്ചതിനെതുടര്‍ന്നാണ് ഈ ചിത്രമുപയോഗിച്ച്‌ ദിവ്യ എസ്.അയ്യരും കമ്ബനിയില്‍ പങ്കാളിയാണെന്ന് സമൂഹമാധ്യമങ്ങളില്‍ പ്രചരിപ്പിക്കുന്നത്. ഡി.ജി.പി പരാതി കമീഷണര്‍ക്ക് കൈമാറി. കമീഷണറുടെ നിര്‍ദേശപ്രകാരം പേരൂര്‍ക്കട എസ്.എച്ച്‌.ഒ സ്റ്റുവര്‍ട്ട് കീലര്‍ കേസ് രജിസ്റ്റര്‍ ചെയ്ത് അന്വേഷണം തുടങ്ങി.
താന്‍ കോട്ടയം അസി. കലക്ടര്‍ ആയിരുന്നപ്പോള്‍ ഒരു പൊതുപരിപാടിയില്‍ പങ്കെടുക്കവെ ചില യുവാക്കളോടൊപ്പം എടുത്ത ചിത്രം സ്മാര്‍ട്ട്വേ ഇന്ത്യാ എന്ന ഓണ്‍ലൈന്‍ ഷോപ്പിങ് കമ്ബനി സമൂഹമാധ്യമങ്ങളില്‍ പരസ്യത്തിനായി ഉപയോഗിക്കുന്നതായിട്ടാണ് ദിവ്യ എസ്.അയ്യരുടെ പരാതി.
