കെഎസ്ആർടിസിയിൽ പണിമുടക്കിയ ജീവനക്കാരെ കൂട്ടത്തോടെ സ്ഥലംമാറ്റി. എഐടിയുസി, ബിഎംഎസ് യൂണിയനുകളിൽ പെട്ട ജീവനക്കാരെയാണ് സ്ഥലം മാറ്റിയത്. സ്ഥലംമാറ്റം പ്രതികാര നടപടിയാണെന്ന് എഐടിയുസി കുറ്റപ്പെടുത്തി. പണിമുടക്കിന് മുൻകൂർ നോട്ടീസ് നൽകിയിരുന്നതാണെന്നും, സ്ഥലം മാറ്റം ശരിയായില്ലെന്നും യൂണിയൻ ഭാരവാഹികൾ പ്രതികരിച്ചു. പണിമുടക്ക് കണക്കിലെടുത്തു അധികൃതർ കൂടുതൽ ക്രമീകരണങ്ങൾ ഏർപ്പെടുത്തിയിരുന്നു. ഇന്നലെ അവധി എടുക്കുന്നത് ഡയസ് നോണ്ആയി കണക്കാക്കുമെന്നും എം പാനൽ ജീവനക്കാരെ പിരിച്ചു വിടുമെന്നും മുന്നറിയിപ്പും നൽകിയിരുന്നു. ശമ്പളവും പെൻഷനും മുടങ്ങുന്നതിൽ പ്രതിഷേധിച്ചും ഡ്യൂട്ടി പരിഷ്കരണത്തിനെതിരേയുമായിരുന്നു ഇന്നലത്തെ പണിമുടക്ക്. ശരാശരി ഒരു ഡിപ്പോയിൽ 10 സർവീസുകൾ വരെ മുടങ്ങിയെന്നാണു കണക്ക്.
കെഎസ്‌ആര്‍ടിസിയില്‍ പണിമുടക്കിയവർക്ക് കൂട്ടസ്ഥലംമാറ്റം; പ്രതികാര നടപടിയെന്ന് സംഘടനകൾ
RELATED ARTICLES
