ചേര്ത്തല: എസ്.എന്.ഡി.പി. യോഗം ജനറല് സെക്രട്ടറി വെള്ളാപ്പള്ളി നടേശനും കുടുംബത്തിനും കത്തിലൂടെ വധഭീഷണി. അല്ഉമ്മ എന്ന തലക്കെട്ടില് തയാറാക്കിയ കത്ത് ചൊവ്വാഴ്ചയാണ് എസ്.എന്.ഡി.പി. യോഗത്തിന്റെ കൊല്ലത്തെ ആസ്ഥാനമന്ദിരത്തില് ലഭിച്ചത്. കത്ത് ഇംഗ്ലീഷിലാണ്.
വിശ്വാസികള്ക്കെതിരേ വെള്ളാപ്പള്ളി യുദ്ധം പ്രഖ്യാപിച്ചിരിക്കുകയാണെന്നും ബി.ജെ.പിയുമായുള്ള രാഷ്ട്രീയപരിപാടികള് ഈ മാസം 15 നുള്ളില് പിന്വലിച്ചില്ലെങ്കില് വെള്ളാപ്പള്ളിയെയും കുടുംബത്തെയും കൊന്നുകളയുമെന്നുമാണ് ഭീഷണി. എഴുതിയ ആളുടെ പേരോ മറ്റ് വിവരങ്ങളോ കത്തിലില്ല.
കഴിഞ്ഞ 28 ന് കോയമ്പത്തൂര് നിന്നാണ് കത്ത് പോസ്റ്റ് ചെയ്തിട്ടുള്ളത്. കത്ത് പോലീസിനു കൈമാറിയതായി വെള്ളാപ്പള്ളി നടേശന് പറഞ്ഞു.