കഴിഞ്ഞ ദിവസങ്ങളിൽ സോഷ്യൽ മീഡിയയിലൂടെ ആക്രമണത്തിന് ഇരയായ തൊടുപുഴ അല്-അസ്ഹര് കോളെജ് വിദ്യാര്ഥിനി ഹനാന് മൂന്ന് സിനിമകളിലേക്ക് കൂടി ക്ഷണം ലഭിച്ചു. സിനിമയില് അഭിനയിച്ച് ജീവിക്കുക എന്ന ആഗ്രഹം സഫലമാകാന് തക്കവണ്ണം മികച്ച പ്രൊജക്ടുകളിലേക്കാണ് ഹനാന് ക്ഷണം ലഭിച്ചിരിക്കുന്നത്. നൗഷാദ് ആലത്തൂര്, അസീഫ് ഹനീഫ് എന്നിവരാണ് ഈ ചിത്രങ്ങള് നിര്മിക്കുന്നത്. ഇതിന് പുറമെ പ്രണവ് മോഹന്ലാല് നായകനാകുന്ന അരുണ് ഗോപി ചിത്രത്തിലും ഹനാന് വേഷമിടും.
രതീഷ് രഘുനന്ദന് സംവിധാനം ചെയ്ത് വിഷ്ണു നായകനാകുന്ന മിഠായിത്തെരുവ് എന്ന ചിത്രത്തിലും ജിത്തു കെ ജയന് സംവിധാനം ചെയ്ത് സൗബിന് നായകനാകുന്ന അരക്കള്ളന് മുക്കാല്ക്കള്ളന് എന്ന ചിത്രത്തിലും അഭിനയിക്കാന് ഹനാന് ക്ഷണം ലഭിച്ചു. ഇതിന് പുറമെ വൈറല് 2019 എന്ന ചിത്രത്തിലേക്കും ഹനാന് ക്ഷണം കിട്ടിയിട്ടുണ്ട്.