നിരക്ക് വർധന സംബന്ധിച്ച് രണ്ട് ദിവസത്തിനുള്ളില് സര്ക്കാര് തീരുമാനമുണ്ടായില്ലെങ്കില് സമരത്തിലേക്ക് പോകുമെന്ന് സംസ്ഥാനത്തെ ബസ് ഓപ്പറേറ്റേഴ്സ് ഓര്ഗനൈസേഷന് അറിയിച്ചു. മിനിമം ചാര്ജ്ജ് എട്ടില് നിന്ന് പന്ത്രണ്ടായി ഉയര്ത്തണമെന്ന് ഗതാഗത മന്ത്രിയുമായി നവംബറില് നടത്തിയ ചര്ച്ചയില് ബസുടമകള് ആവശ്യപ്പെട്ടിരുന്നു. രണ്ട് മാസം കഴിഞ്ഞിട്ടും സര്ക്കാര് തീരുമാനം ഉണ്ടാകാത്ത സാഹചര്യത്തിലാണ് അനിശ്ചിത കാല സമരത്തിലേക്ക് പോകാന് സ്വകാര്യ ബസുടമകള് തയാറെടുക്കുന്നത്. ഒപ്പം ടാക്സ് ഇളവും സംഘടന ആവശ്യപ്പെടുന്നു. ഫെബ്രുവരി ആദ്യവാരം നടക്കുന്ന മന്ത്രിസഭാ യോഗത്തിലും നിരക്കു വര്ധിപ്പിക്കുന്ന കാര്യത്തില് തീരുമാനമുണ്ടായില്ലെങ്കില് യോഗം ചേര്ന്ന് അനിശ്ചിത കാല സമരം തീരുമാനിക്കും.
സംസ്ഥാനത്തെ സ്വകാര്യ ബസ്സുകൾ പണിമുടക്കിലേക്ക്; മിനിമം ചാർജ് ഉയർത്തണമെന്ന് ആവശ്യം
RELATED ARTICLES