സദാസമയവും ഫോണിൽ കുത്തിക്കൊണ്ടിരിക്കുന്നവരും ഫോണിന്റെ സ്ക്രീനിൽ നോക്കിക്കൊണ്ട്‌ അശ്രദ്ധമായി നടക്കുന്നവർ മൂലം ഉണ്ടാകുന്ന അപകടങ്ങൾക്കൊരു പരിഹാരവുമായി ഓസ്ട്രേലിയ. മൊബൈൽ ഫോണിൽ നോക്കി റോഡിലൂടെ അശ്രദ്ധമായി നടക്കുന്നവർക്കായി ഓസ്ട്രേലിയയിൽ പ്രത്യേക ട്രാഫിക് സംവിധാനം ഒരുക്കിയിരിക്കുകയാണ്. സാധാരണ സിഗ്നലിന് പകരം റോഡിൽ നിലത്താവും സിഗ്നൽ ലൈറ്റുകൾ. ഓസ്ട്രേലിയയിൽ റോഡപകടങ്ങളിൽ കാൽനട യാത്രക്കാർക്ക് പരിക്കേൽക്കുന്നതും മരിക്കുന്നതും വർദ്ധിച്ചതോടെയാണ് ഇങ്ങനെ ഒരു പരിഷ്ക്കാരത്തിന് ഗവൺമെന്റ് മുതിരുന്നത്. ‘ടുവേഡ്സ് സീറോ’ എന്ന പേരിൽ ഇതിനായി ട്രാഫിക് ബോധാവൽക്കരണ ക്യാമ്പയിനും ആരഭിച്ചുകഴിഞ്ഞു. പുതിയ സംവിധാനത്തിന് വൻ പ്രതികരണമാണ് ലഭിക്കുന്നത്.
കൂടുതൽ വാർത്തകൾക്കായി സന്ദർശിക്കൂ:
www.v4vartha.com
