ബീഫിന്റെ പേരില് വീണ്ടും ആള്ക്കൂട്ട ആക്രമണം. ആസാമിലെ ബിസ്വനാഥില് ബീഫ് വില്പ്പന നടത്തിയെന്നാരോപിച്ച് ആള്ക്കൂട്ടം മുസ്ലീം വൃദ്ധനെ ക്രൂരമായി മര്ദിച്ചു. 68 വയസുകാരനായ ഷൗക്കത്ത് അലിക്കാണ് മര്ദനമേറ്റത്. ഞായറാഴ്ചയായിരുന്നു സംഭവം.
കഴിഞ്ഞ 35 വര്ഷമായി ഷൗക്കത്ത് അലി ബിസ്വനാഥില് ഹോട്ടല് നടത്തുകയാണ്. ഷൗക്കത്ത് അലിയെ ആള്ക്കൂട്ടം മര്ദിക്കുന്ന വീഡിയോ ഇപ്പോള് സമൂഹമാധ്യമങ്ങളില് പ്രചരിക്കുകയാണ്. ഷൗക്കത്തിനെ ബലമായി പന്നിയിറച്ചി കഴിക്കാന് നിര്ബന്ധിക്കുന്നതും വീഡിയോയില് കാണാം. ആക്രമണത്തില് പരിക്കേറ്റ ഷൗക്കത്തിനെ പിന്നീട് ആശുപത്രിയില് പ്രവേശിപ്പിച്ചു.