വിവിധ തൊഴിലുകളിലേക്ക് വിദേശികളെ റിക്രൂട്ട് ചെയ്യാന് സൗദി അറേബ്യ. സൗദി ഭരണകൂടത്തിന്റെ തീരുമാനം പ്രവാസികള്ക്ക് ഗുണമാകും. എന്ജിനീയറിങും മെഡിക്കലുമടക്കമുള്ള മേഖലകളിലെ എഴുപതിനായിരം സ്ഥാപനങ്ങള്ക്കാണ് വിസ ലഭിക്കുക. നിതാഖാത് വ്യവസ്ഥയില് ഉന്നത നിലയിലുള്ള സ്ഥാപനങ്ങള്ക്ക് അതിവേഗത്തില് വിസ അനുവദിക്കും. ഇവര്ക്ക് എത്ര വിസകളാണ് അനുവദിക്കുക എന്നത് വ്യക്തമല്ല. നിതാഖാത് വ്യവസ്ഥയില് കൂടുതല് സ്വദേശികളെ നിയമിച്ച കമ്ബനികള്ക്കാണ് നേട്ടം.
നിബന്ധനകള്ക്ക് വിധേയമായാണ് പുതിയ വിസ നല്കുക. പക്ഷേ എഴുപതിനായിരം സ്ഥാപനങ്ങള്ക്ക് ഇതിന്റെ ഗുണം ലഭിക്കും. സ്വദേശികള് ലഭ്യമല്ലാത്ത സാഹചര്യത്തില് സ്ഥാപനങ്ങള് പ്രയാസപ്പെടാതിരിക്കാനാണ് പുതിയ തീരുമാനമെന്ന് തൊഴില്, സാമൂഹ്യക്ഷേമ മന്ത്രാലയം വിശദീകരിച്ചു.