തെരേസ മേ സര്ക്കാര് അവതരിപ്പിച്ച ബ്രെക്സിറ്റ് കരാര് (പ്ലാന് ബി) ബ്രിട്ടിഷ് പാര്ലമെന്റ് തള്ളി. 303 എംപിമാര് കരാറിനെ എതിര്ത്തു വോട്ടു ചെയ്തപ്പോള് 258 പേര് അനുകൂലിച്ചത്. മാര്ച്ച് 29 നു ബ്രിട്ടന് യൂറോപ്യന് യൂണിയന് വിടാനിരിക്കെ ഇത് പ്രധാനമന്ത്രി തെരേസ മേക്കു കനത്ത തിരിച്ചടിയായി. ജനുവരിയിലും ബ്രിട്ടിഷ് പാര്ലമെന്റ് ബ്രെക്സിറ്റ് കരാര് തള്ളിയിരുന്നു. ജനുവരിയില് 432 എംപിമാര് കരാറിനെ എതിര്ത്തു വോട്ടു ചെയ്തപ്പോള് 202 പേര് മാത്രമാണ് അനുകൂലിച്ചത്. 2016 ജൂണ് 23നാണ് ബ്രിട്ടനില് ഹിതപരിശോധന നടന്നത്. യൂറോപ്യന് യൂണിയന് വിട്ടുപോരാന് അനുകൂലിച്ച് 51.9 ശതമാനവും എതിര്ത്ത് 48.1 ശതമാനവും വോട്ടു ചെയ്തു.