ഇനി വാട്സ്ആപ്പിലൂടെയും അടുത്തുള്ള വാക്സിനേഷൻ കേന്ദ്രങ്ങൾ കണ്ടെത്താൻ കഴിയും. മിക്ക ആളുകളും ഉപയോഗിക്കുന്ന ആപ്പായതിനാലാണ് വാട്സ്ആപ്പ് വഴി വാക്സിനേഷൻ കേന്ദ്രങ്ങൾ കണ്ടെത്താനുള്ള വഴി ഉണ്ടാക്കിയിരിക്കുന്നത്. വാട്സ്ആപ്പിലെ മൈഗോവ് കൊറോണ ഹെൽപ്പ്ഡെസ്കുമായി ബന്ധപ്പെട്ട് നിങ്ങൾക്ക് ഏറ്റവും അടുത്തുള്ള വാക്സിനേഷൻ കേന്ദ്രങ്ങൾ കണ്ടെത്താൻ കഴിയും. ചാറ്റ്ബോട്ടുമായി ചാറ്റ് ചെയ്യുന്നതിന് നിങ്ങൾ ‘നമസ്‌തേ’ എന്ന് ടൈപ്പുചെയ്ത് വാട്ട്‌സ്ആപ്പിൽ 9013151515 എന്ന നമ്പറിലേക്ക് അയക്കുക. ഇതിലൂടെ ഓട്ടോമാറ്റിക്കായി നിങ്ങൾക്ക് റിപ്ലെ വരും. നിങ്ങളുടെ പിൻ‌കോഡ് നൽകിക്കൊണ്ട് കൊവിഡ്-19 വാക്സിൻ എടുക്കാൻ സാധിക്കുന്ന ഏറ്റവും അടുത്തുള്ള കേന്ദ്രങ്ങൾ കണ്ടെത്താൻ സാധിക്കും.
ചാറ്റ്ബോട്ടിൽ നിന്നുള്ള ഓട്ടോ റിപ്ലെയിലൂടെ കോവിൻ വെബ്‌സൈറ്റിലെ വാക്സിനേഷൻ രജിസ്ട്രേഷനിലേക്കുള്ള ഒരു ലിങ്കും ലഭിക്കും. വാട്സ്ആപ്പിലെ മൈഗോവ് കൊറോണ ഹെൽപ്പ്ഡെസ്കിന്റെ ചാറ്റ്ബോട്ട് ഇംഗ്ലീഷ്, ഹിന്ദി ഭാഷകൾ സപ്പോർട്ട് ചെയ്യുന്നു.
