സോച്ചി: റഷ്യന് ലോകകപ്പിലെ പോര്ച്ചുഗല്-സ്പെയ്ന് സൂപ്പര് പോരാട്ടം സമനിലയില്(3-3). ഈ ലോകകപ്പിലെ ആദ്യ ഹാട്രിക് നേട്ടം ക്രിസ്റ്റ്യാനോ റൊണാള്ഡോയ്ക്ക്. 88-ാം മിനിറ്റില് ബോക്സിനു തൊട്ടുവെളിയില്നിന്നും ട്രേഡ് മാര്ക്ക് ശൈലിയിലുള്ള ഫ്രീകിക്ക് ഗോളിലൂടെയാണ് റൊണാള്ഡോ റഷ്യ ലോകകപ്പിലെ ആദ്യ ഹാട്രിക്ക് നേടിയത്. 4 (പെനല്റ്റി), 44, 88 മിനിറ്റുകളിലായിരുന്നു റൊണോയുടെ ഗോളുകള്. സ്പെയിനിനായി ഡീഗോ കോസ്റ്റ ഇരട്ടഗോള് (24, 55) നേടി. നാച്ചോയുടേതാണ് മൂന്നാം ഗോള്.
ക്രിസ്റ്റ്യാനോ റൊണാള്ഡോയുടെ ഇരട്ടഗോള് നേട്ടത്തില് ആദ്യ പകുതി പിന്നിടുമ്പോള് 2-1 എന്ന നിലയില് പോര്ച്ചുഗല് മുന്നിലായിരുന്നു. എന്നാല് രണ്ടാം പകുതിയുടെ തുടക്കത്തില് തന്നെ രണ്ടു ഗോളുകള് തിരിച്ചടിച്ച് സ്പെയ്ന് ലീഡെടുത്തു. 24, 55 മിനിറ്റുകളില് ഇരട്ടഗോള് നേടിയ ഡീയോ കോസ്റ്റയും 58 മിനിറ്റില് ഗോള് കുറിച്ച നാച്ചോയുമാണ് സ്പെയ്നിനെ മുന്നിലെത്തിച്ചത്.