ഐപിഎല്ലിൽ റോയല് ചലഞ്ചേഴ്സ് ബാംഗ്ലൂരിനെതിരെ കനത്ത തോല്വി വഴങ്ങി ചെന്നൈ സൂപ്പര് കിംഗ്സ്. ബാംഗ്ലൂര് ഉയര്ത്തിയ 170 റണ്സ് വിജയലക്ഷ്യം തേടിയിറങ്ങി ചെന്നൈ സൂപ്പര് കിംഗ്സിന് 20 ഓവറില് എട്ട് വിക്കറ്റ് നഷ്ടത്തില് 132 റണ്സെടുക്കാനെ കഴിഞ്ഞുള്ളു. സ്കോര് റോയല് ചലഞ്ചേഴ്സ് ബാംഗ്ലൂര് 20 ഓവറില് 169/4,ചെന്നൈ സൂപ്പര് കിംഗ്സ് 20 ഓവറില് 132/8. ജയത്തോടെ ബാംഗ്ലൂര് പോയന്റ് പട്ടികയില് നാലാം സ്ഥാനത്തേക്ക് കയറിയപ്പോള് ചെന്നൈ ആറാം സ്ഥാനത്തേക്ക് വീണു.