പരിശീലന മത്സരത്തിനിടയില്‍ ഇന്ത്യന്‍ ഓപ്പണര്‍ പൃഥ്വി ഷായ്ക്ക് പരിക്ക് സംഭവിച്ചു . ചതുര്‍ദിന മത്സരത്തിന്‍റെ ഫീല്‍ഡിംഗിനിടെ യുവതാരത്തിന്‍റെ കണങ്കാലിനാണ് പരിക്കേറ്റിരിക്കുന്നത്. ഇതോടെ ഓസ്‌ട്രേലിയയ്‌ക്കെതിരേ അഡ്‌ലെയ്ഡില്‍ നടക്കുന്ന ആദ്യ ടെസ്റ്റില്‍ പൃഥ്വി കളിക്കുന്ന കാര്യത്തില്‍ സംശയമുണ്ട്.
ഓസ്‌ട്രേലിയ ഇലവന്‍ ഓപ്പണര്‍ മാക്സ് ബ്രയാന്തിനെ ബൗണ്ടറി ലൈനില്‍ ക്യാച്ച്‌ എടുത്ത് പുറത്താക്കാന്‍ ശ്രമിക്കുമ്ബോഴാണ് പൃഥ്വിക്ക് പരിക്കു സംഭവിച്ചത്. പരിക്കേറ്റുവീണ പൃഥ്വിയെ എടുത്തുകൊണ്ടാണ് പുറത്തേക്ക് കൊണ്ടുപോയത്. പൃഥ്വിയെ ആശുപത്രിയില്‍ സ്കാനിംഗിനായി കയറ്റിയിരിക്കുകയാണ്. സ്കാനിംഗ് റിപ്പോര്‍ട്ട് വന്നതിന് ശേഷം മാത്രമേ പൃഥ്വിക്ക് കളിക്കാനാകുമോ എന്ന കാര്യത്തില്‍ കൃത്യമായ വിവരം ലഭിക്കുകയുള്ളു.
