അഞ്ചാം ക്രിക്കറ്റ് ടെസ്റ്റില്‍ ആധിപത്യമുറപ്പിച്ച്‌ ഇംഗ്ലണ്ട്. ഇന്ത്യക്ക് വിജയലക്ഷ്യമായി 464 റണ്‍സ് മുന്നോട്ടുവെച്ച ശേഷം ഇന്ത്യയുടെ മൂന്ന് വിക്കറ്റുകള്‍ തുടക്കത്തില്‍ തന്നെ അവര്‍ വീഴ്ത്തുകയും ചെയ്തു. രണ്ടാമിന്നിംഗ്‌സില്‍ 423 റണ്‍സിന് ഇംഗ്ലണ്ട് ഡിക്ലയര്‍ ചെയ്യുകയായിരുന്നു. നാലാം ദിനം 8 വിക്കറ്റിന് 423 റണ്‍സ് എന്ന നിലയിലാണ് ഇംഗ്ലണ്ട് ഇന്നിംഗ്‌സ് ഡിക്ലയര്‍ ചെയ്തത്. അലിസ്റ്റര്‍ കുക്ക് 147 റണ്‍സെടുത്തു.
ജോ റൂട്ട് 125 റണ്‍സെടുത്ത് പുറത്തായി. ഇന്ത്യക്കായി ജഡേജ, വിഹാരി എന്നിവര്‍ മൂന്ന് വീതവും മുഹമ്മദ് ഷമി 2 വിക്കറ്റും സ്വന്തമാക്കി. മറുപടി ബാറ്റിംഗിന് ഇറങ്ങിയ ഇന്ത്യക്ക് 2 റണ്‍സ് എടുക്കുന്നതിനിടെ മൂന്ന് വിക്കറ്റുകള്‍ വീണു. ധവാന്‍ ഒരു റണ്‍സും പൂജാര, കോഹ്ലി എന്നിവര്‍ സ്‌കോര്‍ ബോര്‍ഡ് തുറക്കുന്നതിനും മുമ്ബും പുറത്തായി. പിന്നീട് ക്രീസില്‍ ഒത്തുചേര്‍ന്ന രാഹുലും രഹാനെയും ചേര്‍ന്ന് കൂടുതല്‍ പരുക്കില്ലാതെ ഇന്നിംഗ്‌സ് മുന്നോട്ടു കൊണ്ടുപോകുകയായിരുന്നു.
