ഇന്ത്യ സ്വന്തമായി വികസിപ്പിച്ചെടുത്ത കൊവിഡ് പ്രതിരോധ വാക്സിനായ കൊവാക്സിന് ലോകാരോഗ്യ സംഘടനയുടെ അംഗീകാരം ലഭിച്ചില്ല. വാക്സിന് അംഗീകാരം നല്കുന്നതിന് മുമ്ബായി നിര്മാതാക്കളായ ഭാരത് ബയോടെക്കിനോട് ലോകാരോഗ്യ സംഘടന ചില കാര്യങ്ങളില് കൂടുതല് വ്യക്ത തേടി. വാക്സിന്റെ അന്തിമ വിലയിരുത്തലിനായി സംഘടനയുടെ സാങ്കേതിക ഉപദേശക സംഘം നവംബര് മൂന്നിന് വീണ്ടും യോഗം ചേരും. ലോകാരോഗ്യ സംഘടനയുടെ അംഗീകാരത്തിനു വേണ്ടി കഴിഞ്ഞ ഏപ്രിലിലാണ് ഭാരത് ബയോടെക്ക് അപേക്ഷ നല്കിയത്. വാക്സിന് ഉത്പാദകരായ ഭാരത് ബയോടെക്കില് നിന്ന് ലോകാരോഗ്യ സംഘടനയുടെ പാനല് കൂടുതല് വിശദീകരണം തേടിയിരുന്നു. അംഗീകാരം ലഭിക്കാത്തതിനാല് കൊവാക്സിന് സ്വീകരിച്ചവര്ക്ക് പല വിദേശ രാജ്യങ്ങളിലും പ്രവേശനാനുമതിയില്ല.
ഇന്ത്യൻ കൊവിഡ് പ്രതിരോധ മരുന്നായ കൊവാക്സിന് അംഗീകാരം നിഷേധിച്ച് ലോകാരോഗ്യ സംഘടന; കൂടുതൽ വ്യക്തത വേണമെന്ന് ആവശ്യം
RELATED ARTICLES