വൈറ്റില മേല്പ്പാലത്തിന്റെ നിര്മ്മാണത്തിൽ നിലവാരക്കുറവുണ്ടെന്ന ആരോപണം പൊതുമരാമത്ത് വകുപ്പിന്നെ പ്രതിരോധത്തിലാക്കുന്നു. നിര്മ്മാണത്തിന്റെ മേല്നോട്ടത്തില് ഉദ്യോഗസ്ഥരും കരാറുകാരനും വീഴ്ച വരുത്തിയെന്നാണ് പൊതുമരാമത്ത് വകുപ്പ് വിജിലന്സിന്റെ കണ്ടെത്തല്.
അതേസമയം നിര്മ്മാണപ്രവര്ത്തനങ്ങളുടെ പുരോഗതി വിലയിരുത്തേണ്ട ക്വാളിറ്റി കണ്ട്രോള് വിഭാഗം പാലം നിര്മ്മാണത്തില് എന്തെങ്കിലും തകരാറുള്ളതായി ഇതുവരെ റിപ്പോര്ട്ട് നല്കിയിട്ടില്ലെന്ന് പൊതുമരാമത്ത് മന്ത്രി ജി സുധാകരന്റെ ഓഫീസ് അറിയിച്ചു. വൈറ്റില മേൽപ്പാലം നിർമ്മാണത്തിന്റെ മേൽനോട്ടത്തിൽ ഉദ്യോഗസ്ഥർ വീഴ്ച വരുത്തുന്നതായി ആക്ഷേപം ഉയർന്നതിനെ തുടർന്നാണ് പൊതുമരാമത്തു വകുപ്പ് ജില്ല വിജിലൻസ് ഓഫീസർ പരിശോധന നടത്തിയത്.