ഇന്ത്യയ്ക്കെതിരെ സൈനിക നടപടികള് പാടില്ലെന്ന് പാകിസ്താനോട് അമേരിക്ക. പാക് മണ്ണിലെ ഭീകരര്ക്കെതിരെ ഉടന് നടപടിയെടുക്കണമെന്നും അമേരിക്കന് വിദേശകാര്യ സെക്രട്ടറി മൈക്ക് പോംപിയോ പാകിസ്താനോട് ആവശ്യപ്പെട്ടു.
ഇന്ത്യയോടും പാകിസ്താനോടും സൈനിക നടപടികള് അവസാനിപ്പിക്കണമെന്നും മൈക്ക് പോംപിയോ ആവശ്യപ്പെട്ടു. ഇരുരാജ്യങ്ങളുടെയും വിദേശകാര്യമന്ത്രിമാരോടാണ് അദ്ദേഹം ഇക്കാര്യം ആവശ്യപ്പെട്ടത്. മേഖലയില് സമാധാനം നിലനിര്ത്തണമെന്നും ഇരു രാജ്യങ്ങളും ചര്ച്ച ചെയ്തു പ്രശ്നം പരിഹരിക്കണമെന്നും മൈക്ക് പോംപിയോ കൂട്ടിച്ചേര്ത്തു.