ഉമ്മന്‍ ചാണ്ടിയെ നേമത്തേക്ക് വിട്ടു നല്‍കില്ലെന്നും പുതുപ്പള്ളിയില്‍ തന്നെ മത്സരിക്കണമെന്നുമാവശ്യപ്പെട്ട് പുതുപ്പള്ളിയില്‍ ഉമ്മന്‍ ചാണ്ടിയുടെ വീടിനു മുന്നില്‍ കോണ്‍ഗ്രസ് പ്രവര്‍ത്തകരുടെ പ്രതിഷേധം. വനിതാ പ്രവർത്തകരടക്കമുള്ളവരാണ് ഉമ്മൻചാണ്ടിയുടെ വീടിന് മുന്നിൽ പ്രതിഷേധിക്കുന്നത്. അമ്പത് വർഷം തങ്ങളെ പ്രതിനിധീകരിച്ച ഉമ്മൻചാണ്ടിയെ നേമത്തേക്ക് വിട്ടുതരില്ലെന്ന് പറഞ്ഞാണ് പുതുപ്പള്ളിയിലെ കോൺഗ്രസ് പ്രവർത്തകരുടെ പ്രതിഷേധം.
ബിജെപിയുടെ സിറ്റിങ് സീറ്റായ നേമത്ത് മത്സരിക്കാൻ ഉമ്മൻചാണ്ടി സന്നദ്ധത അറിയിച്ചതായ റിപ്പോർട്ടുകൾ വന്നതിന് പിന്നാലെയാണ് അണികളുടെ പ്രതിഷേധം എന്നാൽ ഉമ്മൻചാണ്ടി പുതുപ്പള്ളിയിൽ നിന്ന് മാറില്ലെന്ന് മുതിർന്ന കോൺഗ്രസ് നേതാവ് കെ.സി.ജോസഫ് പറഞ്ഞു.
