ഒറ്റത്തവണ ഉപയോഗിക്കുന്ന പ്ലാസ്റ്റിക് ഉല്പ്പന്നങ്ങള്ക്ക് നിരോധനമേര്പ്പെടുത്തി സര്ക്കാര്. പ്ലാസ്റ്റിക് ക്യാരി ബാഗുകളും ഗാര്ബേജ് ബാഗുകളും മാലിന്യം ശേഖരിക്കുന്ന വലിയ പ്ലാസ്റ്റിക് കവറുകളും 300 മില്ലി ലിറ്ററിന് മുകളിലുള്ള പ്ലാസ്റ്റിക് കുപ്പികളും ഉൾപ്പടെ നിരോധിക്കാനാണ് ഇന്നലെ ചേര്ന്ന മന്ത്രിസഭായോഗം തീരുമാനമെടുത്തത്.
2020 ജനുവരി ഒന്ന് മുതലാണ് നിരോധനം നടപ്പാക്കുക. നിയമം ലംഘിക്കുന്നവര്ക്ക് ആദ്യ തവണ 10,000 രൂപയാണ് പിഴ. തെറ്റ് ആവര്ത്തിച്ചാല് 50,000 രൂപ വരെ പിഴയീടാക്കും.