ന്യൂസിലാന്ഡ് ഭീകരാക്രമണത്തില് ഒരു ഇന്ത്യാക്കാരന് മരിച്ചെന്ന് സ്ഥിരീകരണം. രണ്ട് പേര്ക്ക് പരിക്കേറ്റെന്നും വിദേശകാര്യ മന്ത്രാലയം വ്യക്തമാക്കുന്നു. 9 ഇന്ത്യക്കാരെ കാണാതായെന്ന് നേരത്തേ സ്ഥിരീകരിക്കാത്ത റിപ്പോര്ട്ടുകള് പുറത്തുവന്നിരുന്നു. ഇവരില് കാണാതായ ആറ് പേരുടെ വിവരങ്ങള് ഇതുവരെയും ലഭിച്ചിട്ടില്ല.
നിലവില് റെഡ്ക്രോസ് പുറത്തുവിട്ട പട്ടികയില് കേരളത്തില്നിന്നുള്ള ഒരാള് ഉള്പ്പെടെയുള്ള ഇന്ത്യക്കാരുടെ പേരുകളാണ് നല്കിയിരിക്കുന്നത്. എന്നാല് ഈ വിവരങ്ങള് വിദേശ മന്ത്രാലയം ഔദ്യോഗികമായി സ്ഥിരീകരിച്ചിട്ടില്ല.
ഭീകരാക്രമണത്തില് 49 പേര് കൊല്ലപ്പെട്ടതായി ന്യൂസീലന്ഡ് സര്ക്കാര് സ്ഥിരീകരിച്ചിട്ടുണ്ട്. പ്രധാനമന്ത്രി ജസീന്ത ആര്ഡന് ആണ് മരണസംഖ്യ സ്ഥിരീകരിച്ചത്. ആക്രമണത്തില് ഇരുപത് പേര്ക്ക് ഗുരുതരമായി പരിക്കേറ്റിട്ടുണ്ട്. മുസ്ലീം മതത്തോട് കടുത്ത വിദ്വേഷമുണ്ടായിരുന്ന വലതുപക്ഷ ഭീകരവാദിയായ ഓസ്ട്രേലിയന് പൗരനാണ് ആക്രമണം നടത്തിയവരില് ഒരാള്. എത്ര പേര് നേരിട്ട് ആക്രമണം നടത്തിയെന്ന് ഇതു വരെ വ്യക്തമായിട്ടില്ല.ആക്രമണവുമായി ബന്ധപ്പെട്ട് നാല് പേരെ ന്യൂസീലന്ഡ് പൊലീസ് കസ്റ്റഡിയിലെടുത്തിട്ടുണ്ട്.