പാലാരിവട്ടം പാലം അഴിമതി കേസില് പ്രതിസ്ഥാനത്തുള്ള കമ്പനിയായ ആര്ഡിഎസ് പ്രോജക്ട്സിന് കെഎസ്ടിപിയുടെ റോഡ് നിര്മ്മാണത്തിനുള്ള കരാറിന് വഴിയൊരുങ്ങുന്നു. 221 കോടിയുടെ കരാര് നടപടികള് അന്തിമഘട്ടത്തിലാണ്.
കെഎസ്ടിപിയുടെ പുനലൂര് – കോന്നി റോഡ് നിര്മ്മാണത്തിനുള്ള കരാര് നടപടികളാണ് പുരോഗമിക്കുന്നത്. ആര് ഡിഎസ് പ്രോജക്ടാണ് ടെണ്ടറില് ഏറ്റവും കുറഞ്ഞ തുക വാഗ്ദാനം ചെയ്തിരിക്കുന്നത്. 22 കി മീ ദൈര്ഘ്യമുള്ള കെഎസ്ടിപി റോഡ് നിര്മ്മാണത്തിനായി 221 കോടിക്കാണ് കമ്പനി കരാറെടുക്കാന് ഉദ്ദേശിക്കുന്നത്. കരാര് അംഗീകരിക്കുന്നതിനുള്ള കെഎസ്ടിപി സ്റ്റിയറിംഗ് കമ്മറ്റി ബുധനാഴ്ച ചേരും.