ചെന്നൈ ഐഐടിയിൽ വിദ്യാർഥികൾ നടത്തിവന്ന നിരാഹാര സമരം അവസാനിച്ചു. വിദ്യാർഥികൾ ഉന്നയിച്ച ആവശ്യങ്ങൾ ഐഐടി അംഗീകരിച്ചു. എല്ലാ വകുപ്പുകളിലും പരാതി പരിഹാരസെൽ രൂപീകരിക്കുമെന്നും മാനസിക സമ്മർദം കുറയ്ക്കുന്നതിന് വിദഗ്ധരുടെ സേവനം ഉറപ്പാക്കുമെന്നും ഐഐടി ഡീൻ വിദ്യാർഥികൾ ഉറപ്പ് നൽകി.
ആഭ്യന്തര അന്വേഷണത്തിൽ ഡയറക്ടർ തിരിച്ചെത്തിയാലുടൻ തീരുമാനമെടുക്കുമെന്നും ഡീൻ അറിയിച്ചു. ആവശ്യങ്ങൾ അംഗീകരിച്ചതിനു പിന്നാലെ വിഷയവുമായി ബന്ധപ്പെട്ട് വിദ്യാർഥികൾ നടത്തിവന്ന നിരാഹാര സമരം അവസാനിപ്പിച്ചു.