കരിപ്പൂരിൽ വീണ്ടും വൻ സ്വർണ്ണ വേട്ട. രണ്ട് യാത്രക്കാരിൽ നിന്ന് ഒന്നേമുക്കാൽ കിലോ സ്വർണ്ണം പിടികൂടി. ഷാര്ജയില് നിന്നെത്തിയ മണ്ണാർക്കാട് സ്വദേശി വിഷ്ണുദാസ്, ബഹറൈനില് നിന്നെത്തിയ വടകര സ്വദേശി ഷിജിത്ത് എന്നിവരില് നിന്നാണ് സ്വര്ണ്ണം പിടികൂടിയത്. കസ്റ്റംസിന്റെ എല്ലാ പരിശോധനയും കഴിഞ്ഞ് വിമാനത്താവളത്തിന് പുറത്തിറങ്ങിയ യാത്രക്കാരില് നിന്ന് പൊലീസാണ് ഒരു കോടി രൂപയുടെ സ്വര്ണ്ണം പിടികൂടിയത്. ഇവരെ സ്വീകരിക്കാനെത്തിയ നാലുപേരും പൊലീസിന്റെ പിടിയിലായി. ഷബീൻ, ഷബീൽ, ലത്തീഫ്, സലീം എന്നിവരാണ് യാത്രക്കാരെ കൂടാതെ പിടിയിലായവര്. ശരീരത്തില് രഹസ്യഭാഗത്ത് സ്വര്ണ്ണം ഒളിപ്പിച്ചായിരുന്നു കടത്ത്.
കരിപ്പൂരിൽ വീണ്ടും വൻ സ്വർണ്ണ വേട്ട; ഷാർജയിൽ നിന്നെത്തിയ യാത്രക്കാരന്റെ പക്കൽ നിന്നും ഒരു കോടിയുടെ സ്വർണ്ണം പിടികൂടി; സ്വീകരിക്കാൻ എത്തിയവരും അറസ്റ്റിൽ
RELATED ARTICLES