മത്സ്യബന്ധനത്തിന് പോയ മൂന്ന് ബോട്ടുകള് അപകടത്തില്പ്പെട്ട് ഒന്പതുപേരെ കാണാതായതായി മനോരമ ന്യൂസ് റിപ്പോര്ട്ട് ചെയ്യുന്നു. പൊന്നാനിയിലാണ് സംഭവം. നാലുപേരുമായി പോയ നൂറുല് ഹുദ പൊന്നാനി നായര്തോട് ഭാഗത്തുവച്ചാണ് മറിഞ്ഞത്. മൂന്നുപേര് നീന്തിക്കയറി. കാണാതായ പൊന്നാനി സ്വദേശി കബീറിനായി തിരച്ചില് തുടരുകയാണ്. താനൂരില് നിന്ന് പോയ ബോട്ടിലെ രണ്ടുപേരെയാണ് കാണാതായത്. മൂന്നുപേര് നീന്തിക്കയറി. പൊന്നാനിയില് നിന്ന് ആറു പേരുമായി പോയ ബോട്ട് നടുക്കടലില് കുടുങ്ങിക്കിടക്കുകയാണ്. ബോട്ടില് വിള്ളലുണ്ടെന്നും കടല് പ്രക്ഷുബ്ധമെന്ന് മത്സ്യത്തൊഴിലാളി നാസര് പറഞ്ഞതായും മനോരമ ന്യൂസ് റിപ്പോര്ട്ട് ചെയ്യുന്നു. തൃശൂര് നാട്ടിക ഭാഗത്താണ് ബോട്ട് ഇപ്പോഴുള്ളത്. ഇന്നലെ രാവിലെയാണ് ഇരുബോട്ടുകളും കടലില് പോയത്. തെക്ക് കിഴക്കന് അറബിക്കടലില് ന്യൂനമര്ദം രൂപപ്പെട്ട സാഹചര്യത്തില് കേരളത്തിന്റെ വിവിധ പ്രദേശങ്ങളില് ശക്തമായ മഴയും കാറ്റുമാണ്. വരും ദിവസങ്ങളില് കേരളത്തില് മഴ ശക്തിപ്രാപിക്കുമെന്നാണ് കാലാവസ്ഥ നിരീക്ഷണ വകുപ്പിന്റെ മുന്നറിയിപ്പ്. തെക്ക്-കിഴക്ക് അറബിക്കടലിലും, അതിനോട് ചേര്ന്നുള്ള മധ്യ-കിഴക്ക് അറബിക്കടലിലും ന്യൂനമര്ദ്ദം രൂപപ്പെട്ടിരിക്കുന്നത്. ഈ സാഹചര്യത്തില് സംസ്ഥാനത്ത് വരും ദിവസങ്ങളില് ശക്തമായ മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.
പൊന്നാനിയിൽ മത്സ്യബന്ധനത്തിന് പോയ മൂന്ന് ബോട്ടുകള് അപകടത്തില്പ്പെട്ടതായി റിപ്പോർട്ട്; ഒന്പതുപേരെ കാണാതായി
RELATED ARTICLES