ന്യൂഡൽഹി: ഉത്തരേന്ത്യയിലും പാകിസ്താനിലും ശക്തമായ ഭൂചലനം അനുഭവപ്പെട്ടു. വെള്ളിയാഴ്ച രാത്രി 12.44 ഒാടെയായിരുന്നു റിക്ടർ സ്കെയിലിൽ 6.2 തീവ്രത രേഖപ്പെടുത്തിയ ഭൂചലനം. ഇന്ത്യയിൽ ചണ്ഡിഗഡ്,ശ്രനഗർ, ജയ്പൂർ, ഡൽഹി എന്നിവിടങ്ങളിൽ ഭൂചലനം അനുഭവപ്പെട്ടു. പാകിസ്താനിലെ ലാഹോറിലും ഇസ്ലാമാബാദിലും അഫ്ഗാനിലെ കാബൂളിലും ഭൂചലനം റിപ്പോർട്ട് ചെയ്തിട്ടുണ്ട്. അഫ്ഗാൻ തലസ്ഥാനമായ കാബൂളിൽ നിന്ന് 280 കിലോമീറ്റർ അകലെ താജികിസ്താൻ അതിർത്തിയോട് ചേർന്ന പ്രദേശമാണ് ഭൂചലനത്തിെൻറ പ്രഭവകേന്ദ്രമെന്ന് യു.എസ് ജിയോളജിക്കൽ സർവെ അറിയിച്ചു. രണ്ട് തവണയായി രണ്ടു മിനിേട്ടാളമാണ് ഭൂചലനം അനുഭവപ്പെട്ടത്. ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല.
ഉത്തരേന്ത്യയിലും പാകിസ്താനിലും ശക്തമായ ഭൂചലനം:6.2 തീവ്രത
RELATED ARTICLES