സാര്സ് കോവിഡ് 2 വൈറസിന്റെ സാന്നിധ്യം അഴുക്കുവെള്ളത്തില് കണ്ടെത്തി. ഐഐടി ഗാന്ധി നഗറിലെ ഗവേഷകരാണ് അഹമ്മദാബാദിലെ അഴുക്കുവെള്ളത്തില് വൈറസിന്റെ സാന്നിധ്യം വളരെ കൂടിയ അളവില് കണ്ടെത്തിയതായി പിടിഐ റിപ്പോര്ട്ട് ചെയ്യുന്നത്. ആദ്യമായാണ് അഴുക്കുവെള്ളത്തില് കണ്ടെത്തുന്നത്. വിവിധ മാധ്യമങ്ങളിലൂടെയുള്ള കൊവിഡ് 19 വൈറസിന്റെ വ്യാപനത്തേക്കുറിച്ചുള്ള പഠനത്തില് നിര്ണായകമാണ് ഇന്ത്യന് ഗവേഷകരുടെ കണ്ടെത്തലെന്നു കരുതപ്പെടുന്നു.
പല പ്രദേശങ്ങളിലും വൈറസ് ബാധയുടെ കാരണം എവിടെ നിന്നാണെന്ന് കണ്ടെത്താന് കഴിയാതെ പോകുന്നതിനിടെയാണ് മലിനജലത്തിൽ വൈറസ് സാന്നിധ്യം കണ്ടെത്തിയത്. രോഗം ബാധിച്ചവരുടെ വിസര്ജ്യങ്ങളില് വൈറസിന്റെ സാന്നിധ്യം നേരത്തെ കണ്ടെത്തിയിരുന്നു.