ലോകമാകെ കൊറോണ രോഗബാധിതരുടെ എണ്ണം 1,17,39,169 ആയി. വൈറസ് ബാധിച്ച് മരിച്ചവരുടെ എണ്ണം 5,40,660 ആയി. 66,41,866 പേര്ക്കാണ് ഇതുവരെ രോഗമുക്തി നേടാനായത്.അമേരിക്കയില് കോവിഡ് ബാധിതരുടെ എണ്ണം 30 ലക്ഷം കടന്നു. ജോണ്സ് ഹോപ്കിന്സ് സര്വകലാശാലയുടെ ഔദ്യോഗിക കണക്കുകള് പ്രകാരം 30,40,833 പേര്ക്കാണ് അമേരിക്കയില് കോവിഡ് ബാധിച്ചിട്ടുള്ളത്.രോഗത്തേത്തുടര്ന്ന് മരണമടഞ്ഞവരുടെ എണ്ണം 1,32,979 ആയി. 13,24,947 പേര്ക്കാണ് അമേരിക്കയില് ഇതുവരെ രോഗമുക്തി നേടാനായത്. അമേരിക്കയിലും ബ്രസീലിലും ഇന്ത്യയിലുമാണ് കോവിഡ് രോഗികളുടെ എണ്ണം ആശങ്ക ഉയര്ത്തി വര്ധിക്കുന്നത്.
കോവിഡിന്റെ പുതിയ ക്ലസ്റ്ററായി മെക്സിക്കോയെ രേഖപ്പെടുത്തി. മെക്സിക്കോയില് ഇതുവരെ 2,61,750 പേര്ക്ക് രോഗം സ്ഥിരീകരിക്കുകയും 31,119 പേര് മരിക്കുകയും ചെയ്തു. 16,26,071 പേര്ക്കാണ് ബ്രസീലില് ഇതുവരെ രോഗം ബാധിച്ചത്. 65,556 പേര് മരിക്കുകയും ചെയ്തു. ബ്രസീലിയന് നഗരങ്ങളില് ലോക്ഡൗണില് ഇളവുകള് വരുത്തിയതോടെ ബാറുകള്, റസ്റ്ററന്റുകള്, ജിമ്മുകള് എന്നിവ തുറന്നതിനാല് രോഗബാധ ഇനിയും ഉയരാന് സാധ്യതയുണ്ട്.