കോവിഡ് വാക്സിനേഷനില്‍ 100 കോടി ഡോസ് വാക്സിന് നല്‍കി പുതിയ ചരിത്രം കുറിച്ച് ഇന്ത്യ. 278 ദിവസം കൊണ്ടാണ് 100 കോടി ഡോസ് കോവിഡ് വാക്സിന് നല്‍കിയത്. നേട്ടം സ്വന്തമാക്കിയതിന് പിന്നാലെ ഡല്‍ഹി ആര്‍.എം.എല്‍ ആശുപത്രിയിലെത്തി പ്രധാനമന്ത്രി നരേന്ദ്ര മോദി ആരോഗ്യപ്രവര്‍ത്തകരെ അഭിനന്ദിച്ചു. സംസ്ഥാനങ്ങള്‍ നേരിട്ട് കമ്ബനികളില്‍നിന്ന് സംഭരിച്ചതും കേന്ദ്രസര്‍ക്കാര്‍ സൗജന്യമായി ലഭ്യമാക്കിയതും അടക്കം 97,99,506 സെഷനുകളിലൂടെയാണ് ഇത്രയും വാക്സിന് വിതരണം ചെയ്തത്. ജനുവരി 16നാണ് ഇന്ത്യയില്‍ കോവിഡ് വാക്സിന് കുത്തിവെപ്പ് ആരംഭിച്ചത്.
ഇതുവരെ വാക്സിന് അര്‍ഹരായ 75 ശതമാനം പേര്‍ക്കും ഒന്നാം ഡോസ് നല്‍കിയെന്ന് ആരോഗ്യമന്ത്രാലയം അറിയിച്ചിരുന്നു. ചരിത്രം കുറിച്ച സാഹചര്യത്തിൽ വലിയ ആഘോഷ പരിപാടികൾക്ക് കേന്ദ്ര സർക്കാർ നിർദേശം നൽകിയിട്ടുണ്ട്. ചെങ്കോട്ടയിൽ ആഘോഷങ്ങളുടെ ഭാഗമായി ദേശീയ പതാക ഉയർത്തും. വിമാനങ്ങളിലും ട്രെയിനുകളിലും കപ്പലുകളിലും നൂറ് കോടി ഡോസ് വാക്സീൻ മറികടന്നത് സംബന്ധിച്ച പ്രഖ്യാപനവും നടത്തും.
