മലപ്പുറം പാണമ്പ്ര ദേശീയ പാതയില് ടാങ്കര് ലോറി മറിഞ്ഞ് വാതകം ചോരുന്നു. ഇന്ന് പുലര്ച്ചെ മൂന്നരയോടെയാണ് അപകടമുണ്ടായത്. പാണമ്പ്ര വളവില് നിയന്ത്രണം വിട്ട് ടാങ്കര് ലോറി താഴ്ചയിലേക്ക് മറിയുകയായിരുന്നു. അപകടത്തിന് പിന്നാലെ ടാങ്കറില് നിന്ന് വാതകം ചോര്ന്നു. സംഭവസ്ഥലത്തിന് ഒരു കിലോമീറ്റര് ചുറ്റളവിലുള്ള ആളുകളെ താത്കാലികമായി അവിടെ നിന്ന് മാറ്റി. അപകടം നടന്നയുടന് തന്നെ മൈക്കിലൂടെ ആളുകളോട് സ്ഥലത്ത് നിന്ന് മാറാന് നിര്ദേശം നല്കുകയായിരുന്നു. പ്രദേശത്ത് വൈദ്യുതി ബന്ധം വിച്ഛേദിച്ചിരിക്കുകയാണ്.അപകട സാധ്യത കണക്കിലെടുത്ത് വീടുകളില് എല്പിജി ഗ്യാസ് അടുപ്പുകള് കത്തിക്കരുതെന്ന് പൊലീസ് നിര്ദേശം നല്കിയിട്ടുണ്ട്.
മലപ്പുറം പാണമ്പ്ര ദേശീയ പാതയില് ടാങ്കര് ലോറി മറിഞ്ഞ് വാതകം ചോരുന്നു; പ്രദേശത്ത് നിന്ന് ആളുകളെ ഒഴിപ്പിക്കുന്നു
RELATED ARTICLES