കാസർഗോഡ് കൊന്നക്കാട് മൈക്കയത്ത് അച്ഛന്റെ വെട്ടേറ്റ് രണ്ടു കുട്ടികള്ക്ക് പരിക്കേറ്റു. വള്ളിക്കടവ് സെന്റ് സാവിയോ സ്കൂള് വിദ്യാര്ഥികളായ എട്ടും ആറും വയസ്സുള്ള കുട്ടികള്ക്കാണ് പരിക്കേറ്റത്. വ്യാഴാഴ്ച രാവിലെ 11 മണിയോടെയാണ് സംഭവം. ഭക്ഷണം കഴിച്ച് മുറ്റത്തുനിന്ന് കൈകഴുകി വീടിനകത്തേക്ക് കത്തിയുമായി വന്ന് കുട്ടികളെ വെട്ടുകയായിരുന്നു.
മനോവിഭ്രാന്തിയുള്ള പിതാവ് മദ്യലഹരിയില് കത്തികൊണ്ട് വെട്ടുകയായിരുന്നുവെന്ന് പറയപ്പെടുന്നു. പരിക്കേറ്റ കുട്ടികളെ ആശുപത്രിയിലേക്ക് മാറ്റി.ഒരു കുട്ടിയുടെ ചെവി മുറിഞ്ഞുപോയി. ഒരാളുടെ കഴുത്തിനാണ് വെട്ടേറ്റത്. രണ്ടു ദിവസമായി പിതാവ് മാനസികാസ്വാസ്ഥ്യം പ്രകടിപ്പിക്കുന്നതായി സമീപവാസികള് പറഞ്ഞു.