ഡല്ഹിയില് രണ്ട് വയസുകാരിക്കുനേരെ ലൈംഗികാതിക്രമം. വടക്കന് ഡല്ഹിയില് പാതയോരത്ത് അമ്മയോടൊപ്പം കിടന്നുറങ്ങിയ കുട്ടിയെ തട്ടിക്കൊണ്ടു പോയി മാനഭംഗപ്പെടുത്തുകയായിരുന്നു. ശനിയാഴ്ച രാത്രിയാണ് പെണ്കുട്ടിയെ തട്ടിക്കൊണ്ടുപോയത്. ശനിയാഴ്ച പുലര്ച്ചെ 2.30നാണ് കുട്ടിയെ കാണാതായ വിവരം അമ്മ അറിയുന്നത്. തുടര്ന്നു ഇവര് പോലീസില് പരാതി നല്കി. പോലീസ് നടത്തിയ അന്വേഷണത്തില് രണ്ട് വയസ് പ്രായമുള്ള ഒരു കുട്ടിയെ സെന്ട്രല് ഡല്ഹിയിലെ ആശുപത്രിയില് പ്രവേശിപ്പിച്ചതായി വിവരം ലഭിച്ചു. പിന്നീട് കാണാതായ കുട്ടിയാണ് ഇതെന്ന് പോലീസ് തിരിച്ചറിഞ്ഞു.
തുടര്ന്നു പോലീസ് നടത്തിയ അന്വേഷണത്തില് മയക്കുമരുന്നിന് അടിമയായ യുവാവാണ് കുട്ടിയെ തട്ടിക്കൊണ്ടു പോയതെന്ന് കണ്ടെത്തി. ഇയാളെ പോലീസ് അറസ്റ്റു ചെയ്തു. കുട്ടിയെ മാനഭംഗപ്പെടുത്തിയശേഷം ഇയാള് റെയില്വേ ട്രാക്കില് ഉപേക്ഷിക്കുകയായിരുന്നു.