സാധാരണക്കാരന് ടൂർ എന്നതൊരു സ്വപ്നം മാത്രമാണിന്ന്. ജീവിത പ്രാരാബ്ധങ്ങൾക്കിടയിൽ എന്ത് ടൂർ? അതെല്ലാം വലിയ ചിലവല്ലേ എന്നായിരിക്കും അവരുടെ വിചാരം. എന്നാൽ 200 രൂപ കൊണ്ട് അടിപൊളി ട്രിപ് അടിക്കാൻ പറ്റുന്ന ഒരു സ്ഥലമുണ്ട് കോട്ടയത്ത് എന്ന് പറഞ്ഞാൽ വിശ്വസിക്കുമോ? . 200 രൂപയ്ക്ക് ട്രിപ്പോയെന്ന് കേട്ട് ആരും നെറ്റിചുളിക്കണ്ട. സംഭവം സത്യമാണ്. ഒന്ന് നഗരത്തിലേക്കിറങ്ങിയാൽ അപ്പോൾ തീരും ആയിരം രൂപ. അപ്പോഴാണ് 200 രൂപയ്ക്ക് ട്രിപ്പ് എന്നല്ലേ ആലോചിക്കുന്നത്. എന്നാൽ കോട്ടയം പാലാക്കരിയിലുള്ള ഈ സ്ഥലത്ത് കായലിന്റെ സൗകര്യം നുകർന്ന്, ചൂണ്ടയിട്ട്, ഊഞ്ഞാലാടി, ഭക്ഷണമൊക്കെ കഴിച്ച് ഉല്ലസിക്കാം..എല്ലാം മേൽ പറഞ്ഞ തുകയ്ക്ക്.
മത്സ്യഫെഡിന്റെ വൈക്കം പാലാക്കരി അക്വാടൂറിസം ഫാമിലാണ് ചുരുങ്ങിയ ചെലവിൽ ഈ സൗകര്യങ്ങൾ സഞ്ചാരികളെ കാത്തിരിക്കുന്നത്. പാക്കേജ് പ്രകാരം ഊണിനൊപ്പം മീൻകറിയും, പൊരിച്ച മീനും ലഭിക്കും. ഭക്ഷണം ഒന്നു കൂടി ലാവിഷാക്കാൻ കക്കയും , ചെമ്മീനും, കരിമീനും ഉണ്ട്. അധികം പണം നൽകണമെന്ന് മാത്രം. പത്ത് രൂപ നൽകിയാലാണ് ചൂണ്ടയിടാൻ അനുവാദം ലഭിക്കുക. വളരെ തുച്ഛമായ തുകനൽകി ഈ മീൻ വീട്ടിൽ കൊണ്ട് പോകുകയും ചെയ്യാം.
CONTACT : +91 4829273314, +91 9400993314
+91 9526041200
WEB : http://www.aquatourismbymatsyafed.com/index.php
