ഭൂമിയിൽനിന്ന് ഏകദേശം 1000 പ്രകാശവർഷം അകലെ ഉള്ള തമോഗർത്തം കണ്ടെത്തി ശാസ്ത്രജ്ഞർ. നിലവിൽ കണ്ടതിൽ വച്ച് ഭൂമിയോട് ഏറ്റവും അടുത്ത് ഉള്ള തമോഗർത്തം ആണിത്. നക്ഷത്രസമൂഹമായ ടെലികോപിയത്തിലാണ് ഇതിന്റെ സ്ഥാനം. എച്ച്.ആർ.6819 എന്നാണ് ശാസ്ത്രജ്ഞർ ഈ തമോഗർത്തത്തിന് പേരുനൽകിയത്. ദൂരദർശിനിയോ ബൈനോക്കുലറോ ഉപയോഗിക്കാതെ ഇവ ദൃശ്യമാകുമെന്നും ജ്യോതിശ്ശാസ്ത്രജ്ഞർ പറയുന്നു.
സൂര്യന്റെ നാലിരട്ടിയിലധികം പിണ്ഡമുള്ള ഈ തമോഗർത്തം ഇതുവരെ കണ്ടെത്തിയതിൽ ഭൂമിയുടെ ഏറ്റവും അടുത്താണ്. നക്ഷത്രങ്ങളുടെ ഒരുമിച്ചുള്ള ചലനമാണ് ‘എച്ച്.ആർ.6819’ന്റെ കണ്ടുപിടിത്തത്തിലേക്കു നയിച്ചത്. നഗ്നനേത്രങ്ങളാൽ കാണാനാകുമെന്നതാണ് എച്ച്.ആർ.6819ന്റെ മറ്റൊരു പ്രത്യേകത. യൂറോപ്പ്യൻ സതേൺ ഒബ്സർവേറ്ററിയിലെ(ESO) ജ്യോതിശാസ്ത്രജ്ഞരാണ് ഇത് കണ്ടെത്തിയത്. ചിലിയിലെ ലാ സില്ലാ വാനനിരീക്ഷണകേന്ദ്രത്തിലെ ദൂരദർശിനിയിലാണ് ഇത് ദൃശ്യമായത്.
