സിനിമയിൽ നായികമാരുടെ കടുത്ത മത്സരമാണിപ്പോൾ. കഴിഞ്ഞ വർഷം മാത്രമായി 150 ലേറെ പുതുമുഖ നടിമാർ രംഗത്തു വരികയുണ്ടായി. ഇതോടെ മത്സരം കടുത്തു. അത്യാവശ്യം സിനിമകളൊക്കെയായി ജീവിച്ചിരുന്ന പല നടിമാരും വീട്ടിലിരിപ്പായി. എന്നുവച്ച് വെറുതെ ഇരിക്കാൻ പറ്റുമോ? അതുകൊണ്ട് നടിമാർ കൂട്ടായി വ്യവസായ രംഗം തേടി ഇറങ്ങിയിരിക്കുകയാണ് ഇപ്പോൾ. ഹോട്ടൽ, ജൂവലറി, റിയൽ എസ്റ്റേറ്റ് മേഖലകളാണ് നടിമാർക്ക് പ്രിയം.
സൂപ്പർനായിക നയൻതാര റിയൽ എസ്റ്റേറ്റിൽ പണം മുടക്കിക്കഴിഞ്ഞു.എറർ കണക്കിന് ഭൂമിയാണ് ഇവർ വാങ്ങികൂട്ടുന്നത്. മദ്രാസ് ഹൈദരാബാദ് ബാംഗ്ലൂർ എന്നീ സ്ഥലങ്ങളിലാണ് ഇത്. തമന്ന പക്ഷെ കുറച്ചു വ്യത്യസ്തയാണ്. അവർക്കു സ്വർണ കച്ചവടത്തിലാണ് താല്പര്യം. പുതിയ ഡിസൈനിൽ ആഭരണങ്ങൾ നിർമിച്ച് അത് ഇന്റർനെറ്റിലൂടെ വിൽക്കുന്നു.
അനുഷ്കയും ഉണ്ടാക്കുന്ന പണം മുഴുവനും റിയൽ സ്റ്റേറ്റിലാണ് ചെലവിടുന്നത്. കൊട്ടാര സദൃശമായ ഒരുവീടും വാങ്ങുകയുണ്ടായി അവർ. തപ്സി ഇവരിൽനിന്നെല്ലാം വ്യത്യസ്തയാണ്. വിവാഹം നടത്തിക്കൊടുക്കുന്ന ഒരു സ്ഥാപനമാണ് ഇവർ നടത്തുന്നത്. ചെറുക്കനെയും പെണ്ണിനേയുമായിഈ സ്ഥാപനത്തിൽ എത്തിയാൽ മാത്രം മതി. ബാക്കി എല്ലാം തപ്സി നോക്കിക്കൊള്ളും. കേരളത്തിലുമുണ്ട് ചില നടിമാർ. കാവ്യ മാധവൻ ഡ്രസ്സ് ഡിസൈൻ ചെയ്യുന്ന സ്ഥാപനം തുടങ്ങിയതുപോലെ.
കൂടുതൽ വാർത്തകൾക്കായി സന്ദർശിക്കൂ: