മലയാളികൾക്ക് സുപരിചിതനായ നടനാണ് ബാല. ആരോഗ്യ പ്രശ്നങ്ങൾ മൂലം നിലവില് ആശുപത്രിയില് തന്നെ തുടരുന്ന ബാലയ്ക്ക് അടുത്ത ദിവസം ഒരു സര്ജറി നടത്താന് പോവുകയാണ്. ജീവിതത്തിലേക്കോ അതോ മരണത്തിലേക്കോ എന്ന് പോലും പറയാന് പറ്റാത്ത സാഹചര്യമാണെന്ന് പറഞ്ഞ് ബാല തന്നെ രംഗത്ത് വന്നിരിക്കുകയാണ്. ആശുപത്രിയില് നിന്നുമെടുത്ത പുത്തനൊരു വീഡിയോയാണ് നടന് പങ്കുവെച്ചിരിക്കുന്നത്. ഭാര്യ എലിസബത്തിനൊപ്പം തങ്ങളുടെ വിശേഷപ്പെട്ട ദിവസം ആഘോഷിക്കുയാണെന്ന് പറഞ്ഞാണ് ബാല വീഡിയോ ആരംഭിക്കുന്നത്.
‘എല്ലാവര്ക്കും നമസ്കാരം, ഇവിടെ വന്നിട്ട് ഏകദേശം ഒരു മാസമായി. ഈ ഡോക്ടറുടെ (ഭാര്യ എലിസബത്ത്) നിര്ബന്ധപ്രകാരം വന്നതാണ്. ഇത്രയും നാള് ആശുപത്രിയില് അഡ്മിറ്റായിരുന്നു. എല്ലാവരുടെയും പ്രാര്ഥനകള് കൊണ്ടാണ് തിരികെ ജീവിതത്തിലേക്ക് വന്നത്. ഇനി രണ്ട് മൂന്ന് ദിവസം കൂടി കഴിഞ്ഞാല് മേജറായിട്ടൊരു ഓപ്പറേഷനുണ്ട്. അതില് മരണത്തിന് വരെ സാധ്യതയുണ്ട്. അതിജീവനത്തിനുള്ള സാധ്യതകളാണ് കൂടുതലുള്ളത്. നിങ്ങളുടെ പ്രാര്ഥനകള് കൊണ്ട് മുന്നോട്ട് പോകുമെന്നാണ് വിചാരിക്കുന്നത്. നെഗറ്റീവായിട്ടൊന്നും ചിന്തിക്കുന്നില്ല. ‘ഞങ്ങളുടെ വിശേഷപ്പെട്ട ദിവസം ആഘോഷിക്കണമെന്ന് എലിസബത്തിന് വല്ലാത്തൊരു ആഗ്രഹമുണ്ടായിരുന്നു. ജനനവും മരണവുമടക്കം എന്തായാലും ദൈവമാണ് തീരുമാനിക്കുന്നത്. പ്രാര്ഥന പോലെ എല്ലാം നടക്കട്ടെ. ‘ഇനിയിപ്പോള് എനിക്കെന്തെങ്കിലും സംഭവിച്ചാല് നീയൊരു ഡോക്ടറെ വിവാഹം കഴിക്കണം. ഇനിയൊരു ആക്ടറെ വിവാഹം കഴിക്കരുതെന്നാണ് ബാല ഭാര്യയ്ക്ക് നല്കുന്ന ഉപദേശം. ഇത്രയും നാള് എനിക്ക് വേണ്ടി പ്രാര്ഥിച്ച എല്ലാവരോടും നന്ദി പറയുകയാണ്”. ബാല വീഡിയോയിൽ പറയുന്നു.